Алабуга кешеләрен намуслы хезмәтләре өчен бүләкләделәр
Алабуга ит-консерва комбинаты хезмәткәрләре Евгений Антипов һәм Риназ Якупов агросәнәгать комплексы системасында намуслы һәм нәтиҗәле хезмәтләре өчен Татарстан Республикасы Авыл хуҗалыгы һәм азык-төлек министрлыгының Мактау грамотасы белән бүләкләнде. Бу хакта «Алабуга нуры» хәбәр итә.
Агросәнәгать комплексы системасында намуслы һәм нәтиҗәле хезмәтләре өчен Алабуга ит-консерва комбинаты хезмәткәрләре Галина Сотскова, Людмила Парамонова, Мария Бурмистрова Татарстан Республикасы Авыл хуҗалыгы һәм азык-төлек министрлыгының Рәхмәт хаты белән бүләкләнде.
Рядовой Александр Максютин һәм ефрейтор Илья Куклинский махсус хәрби операция барышында хәрби бурычларны үтәгәндә күрсәткән батырлыклары һәм фидакарьлекләре өчен Алабуга муниципаль районы башлыгының Рәхмәт хаты белән бүләкләнде.