Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
«Алабуга амазонкалары» махсус хәрби операциядә катнашучылар өчен витаминлы бәлзәм әзерли
Алабуга дәүләт музей-ядкарьлегендә Н.А.Дурованың музей-утарында җылытучы һәм иммунитетны яхшыртучы эчемлек ясау буенча мастер-класс булды. Ул аеруча көзге вакытта — махсус операция зонасында хәрбиләргә җылынырга һәм көчләрен ныгытырга кирәк булганда файдалы. Бу хакта «Алабуга нуры» яза.
Мастер-классны «Вкус дома» проектының идея илһамчысы, көмеш волонтер Надежда Мокрецова үткәрде. Проектның максаты — хәрбиләр өчен ярымфабрикатлар әзерләү. Мастер-класс вакытында үлән чәйләре, кайнатма, балдан ясалган конфетлар һәм башка бик күп нәрсәләр ясала.
«Бу эчемлек бал, лимон, имбир һәм алоэ нигезендә әзерләнә. Алар барысы да бик яхшы иммуномодуляторлар. Ә иң мөһиме, бу продуктлар Алабуга, Танайка һәм Котловкада яшәүчеләр тарафыннан җыелган. Хәрби хәрәкәтләрнең алгы сызыгында булган егетләр, биремнән кайткач, шифалы чәй эчеп, күңелләре һәм тәннәре белән ял итә алачак», – диде ул.
Офицерлар берлеге каршындагы хатын-кызлар советы рәисе Нурия Мадьярова «Амазонкалар» үтенеченә җавап бирүчеләргә рәхмәт белдерде һәм эчемлек өчен азык-төлек, чәй һәм банкалар тапшырды. Барлыгы 10 литр катнашма ясалган, аны төреп, «Благовест» үзәгенә тапшыру өчен әзерләделәр.
«Алабуга амазонкалары» клубы Алабуга хокук саклау органнары ветераннарын, хезмәткәрләрен һәм хезмәткәрләрнең хатыннарын һәм ветераннарын берләштерә. Алар хәрбиләргә һәм аларның гаиләләренә, фронт һәм фронт яны территорияләрендә яшәүчеләргә, мәҗбүри күчеп килүчеләргә ярдәм итү буенча барлык хәйрия акцияләрендә катнаша.
Кызыклы яңалыкларны күзәтеп бару өчен Телеграм-каналга язылыгыз