Актанышта яшь укытучы грант алган
Скопировать ссылку
«Безнең яңа укытучы» грантында катнашып, сәләтле балалар өчен гуманитар гимназия-интернатның инглиз теле укытучысы Рузилә Мусина һәм Актаныш беренче урта гомуми белем бирү мәктәбенең информатика укытучысы Зиннур Исламов җиңү яулады. Бу хакта «Актаныш» сайтында хәбәр ителә.
«Рузилә Айдаровнаны, Зиннур Альбертовичны, бу яшь белгечкә документлар тутырырга, проект эшләргә булышкан методик эшләр буенча директор урынбасарлары Юлия Валентиновна һәм Зита Индусовнаны, гимназия директоры Венера Хаматнасыйховнаны, беренче мәктәп директоры Альберт Мирхатовичны җиңү белән котлыйбыз һәм яңадан яңа үрләр яулауларын теләп калабыз!» – диелгән хәбәрдә.
Фото: © https://aktanysh-rt.ru/