Актанышта урып-җыюда катнашачак комбайннары тикшерәләр
Бөртекле һәм кузаклы культураларны урып-җыю башланыр алдыннан һәр елны икмәк җыю техникасының бу эшкә әзерлек сыйфаты тикшерелә. Әлеге мөһим чара Актанышның 7 зонасында уза. Бу хакта «Актаныш-информ» сайты яза.
Быел хуҗалыкларның уракка төшәсе техникаларын техниканы район башлыгы Ленар Зарипов, авыл хуҗалыгы һәм азык- төлек идарәсе начальнигы Нәфис Сәлимгәрәев, «Россия авыл хуҗалыгы үзәге»нең Актаныш районы буенча җитәкчесе Әфка Сәрвәров, авыл хуҗалыгы һәм азык- төлек идарәсенең җитештерү- маркетинг бүлеге җитәкчесе Рушан Мөхәммәдиев, Татарстан Республикасы Дәүләт техник күзәтчелек идарәсенең Актаныш муниципаль районы буенча баш дәүләт инженер-инспекторы составындагы комиссия карый. Мөһим чарада шулай ук районның барлык хуҗалыклары һәм агроидарә белгечләре дә катнаша, диелә хәбәрдә.