Актанышта үз бизнесын булдырырга теләгән яшьләр өчен укулар үткәрелә
Актанышта «Яшьлек» яшьләр үзәгендә авылда үз бизнесын булдырырга теләгән яшьләр өчен «Төпле шәхес» проекты буенча уку-бәйге узды. Проектта Чаллы зонасына караган 8 районнан егет-кызлар катнашты.
Шулай ук Актаныш районы мәктәпләренең 10нчы сыйныф укучылары һәм технология техникумы студентлары да осталык-белемнәрен сыный. Бу хакта «Актаныш-информ» хәбәр итә.
Приз фонды 50 000 сум булган ике көнлек укудан соң иң-иңнәр ачыкланачак һәм җиңүчеләргә бүләкләр тапшырылчак.
Программаның максаты- бизнесны башлау моделе командасын табу, старт мотивациясен алу мөмкинлекләре, ораторлык сәнгате һәм үз-үзеңне презентацияләү осталыгын булдыру.
Ике көнлек укулар яшьләр өчен үз бизнесларын булдыруда зур ярдәм, дип саный «Яшьлек» яшьләр үзәге директоры Денис Могътазиров.