Актанышта махсус хәрби операциягә унберенче гуманитар ярдәм озаттылар
Скопировать ссылку
Бүген Актанышта 11нче тапкыр гуманитар ярдәм әзерләп махсус хәрби операциядәгеләргә җибәрделәр. Бу хакта «Актаныш-информ»да Ләйсән Газизова яза.
Районда яшәүче һәркем хәрбиләргә кулыннан килгәнчә булышты, азык-төлек, кием-салым, чиста су, башка кирәк-яраклар сатып алу өчен акчалата ярдәм күрсәттеләр. Волонтерлар бүген иртә белән алдан тартмаларга тутырылган йөкләрне машина арбаларына төяде.
Хәрбиләр соравы буенча УАЗ- буханка автомобилен Иске Байсар авылында туып-үскән эшмәкәр Рәдис Хашимов сатып алып бирде.
«Кыю шоферлар, озатучылар бүген олы юлга чыкты. Хөрмәтле райондашлар, юлчыларга хәерле сәфәрләр теләп торыйк, догада булыйк», диелгән хәбәрдә.