Актанышта Кыш бабайлар парады узды
Скопировать ссылку
Актаныш районы авыл җирлекләре, оешма-предприятие коллективлары бердәм булып Кыш бабайлар парадына чыккан. Бу хакта «Актаныш-информ» хәбәр итте.
Кыш бабайлар командасы белән бергә Кар кызы һәм башка әкият геройлары да булган. Иң элек Яңа елны алып килүче кунаклар технология техникумы каршында бәйрәм әйлән-бәйләненә кушылган. Аннан соң матур итеп Ленин проспекты буйлап узганнар.
Кыш бабайлар парадын үзәк чыршы каршындагы мәйданга җыелучылар алкышлар белән каршы алган. Чыршы тирәли урап узганнан соң, Яңа ел кунаклары балалар, яшьләр, апа-абыйлар белән бергә флешмоб биегән.
Сәхнәдә район артистлары чыгыш ясаган.