Актанышта инвалидлар өчен «Игелекле йөрәкләр» хәйрия концерты булды
Скопировать ссылку
Актаныш районы «Яшьлек» яшьләр үзәгендә Халыкара инвалидлар көненә багышланган «Игелекле йөрәкләр» хәйрия концерты булды. Бу хакта «Актаныш» сайты хәбәр итә.
Сәхнәдә талантлы гитарачылар кавер-төркеме артистлары чыгыш ясаган. Аларның ихлас һәм рухи музыкасы залда үзенчәлекле җылы атмосфера булдырган.
Фото: «Актаныш» газетасы
Тамашачылар концертны бик ошатты. Кәзкәй авыл җирлеге башлыгы Расих Шәйхуллин артистларга һәм оештыручыларга рәхмәт белдерде. Ул шулай ук «Без бергә» фондына акчалата ярдәм күрсәтте, диелә хәбәрдә.