Актанышта чаңгы сезоны ачылды
Скопировать ссылку
«Бүләк» чаңгы базасында Актаныш районының белем бирү учреждениеләре укучылары арасында чаңгы ярышлары уздырылды. Әлеге вакыйга – быелгы чаңгы сезонына старт бирү дә булды. Әлбәттә, һәвәскәр чаңгычылар күптән җилдерә башлаган иде.
Районкүләм ярышларда катнашкан яшь чаңгычыларны район башлыгы Ленар Зарипов сәламәде, яшьләрне спорт киңлекләрендә актив булырга, кыш көне рәхәтләнеп чаңгы шуарга чакырды. Актанышта чаңгы спорты өчен барлык уңайлыклар тудырылган. Бу хакта «Актаныш-информ» хәбәр итә.
ГТО нормативларына кергән узышларда барлыгы 162 укучы бала катнашты, алар 22 мәктәптән иде. Сөенечле күренеш, тәүге тапкыр узышка килгәннәре дә бар иде.