Җәмгыять 23 октябрь 2018 03:00

Актанышта үзара салым җыю буенча референдум көне билгеләнде

Быел да Актаныш районы җирлекләрендә үзара салым күләме ничә сум тәшкил итәчәген һәр җирлек үзе билгеләячәк.

Скопировать ссылку

(Актаныш, 23 октябрь, "Татар-информ", "Актаныш таңнары" ). Актаныш муниципаль районы Башкарма комитеты Актаныш муниципаль районы территориясендә гражданнарга үзара салым мәсьәләсе буенча җирле референдум үткәреләчәге хакында хәбәр итә. Ул – ноябрьнең өченче якшәмбесе, ягъни 18 ноябрь көнне үтәчәк. Бу хакта район басмасы хәбәр итә.

Бу көнне үзара салым җыюга кагылышлы референдум республикабызның барлык районнарында һәм авылларында уза. Тавыш бирү 2018 нче елның 18 ноябрендә 7.00 сәгатьтән 20.00 сәгатькә кадәр дәвам итәчәк.

Быел да Актаныш районы җирлекләрендә үзара салым күләме ничә сум тәшкил итәчәген һәр җирлек үзе билгеләячәк. Башка еллардагы кебек үк, аның һәр бер сумына Хөкүмәт тарафыннан дүрт сум өстәлә.

#Актаныш таңнары

Сәхифәләр

Актанышта үзара салым җыю буенча референдум көне билгеләнде