Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Актанышта янгын вакытында бер олы кешене һәм өч баланы коткарганнар
Төтен баскан бинадан 43 кеше мөстәкыйль рәвештә чыгып китә алган.
(Казан, 6 ноябрь, «Татар-информ»). Актанышта күпфатирлы йортта чыккан янгыннан бер олы кешене һәм өч баланы коткарганнар. Бу хакта «Татар-информ» мәгълүмат агентлыгына Татарстан буенча Россия Гадәттән тыш хәлләр министрлыгы Баш идарәсенең матбугат хезмәтендә хәбәр иттеләр.
Бүген көндез 11 сәгать 20 минутта Актанышта Тынычлык проспектындагы күпфатирлы йортта янгын чыгу турындагы хәбәр ашыгыч хезмәтләрне бердәм чакыру 112 номерына килде. Урында 103нче янгын сүндерү часте хезмәткәрләре утның бинаның беренче катындагы фатирны каплап алуын ачыклаган.
Янгын сүндерүчеләр йортның икенче һәм өченче катларындагы фатир тәрәзәләреннән дүрт кешене (бер олы кешене һәм өч баланы) коткарганнар. 43 кеше бинадан мөстәкыйль рәвештә чыгып китә алган.
Төшкә таба янгын сүндерүчеләр янгынны локальләштерү һәм бетерү турында хәбәр иттеләр. Янгын мәйданы 2 квадрат метр тәшкил иткән. Янгын чыгу сәбәпләре ачыклана.
Кызыклы яңалыкларны күзәтеп бару өчен Телеграм-каналга язылыгыз