news_header_top_970_100
Руc Тат
16+
news_header_bot_970_100
Җәмгыять 10 июль 2021 04:03

Актанышта үрнәк парларны хөрмәтләделәр

Үрнәк гаиләләргә «Мәхәббәт һәм Тугрылык» медале тапшырдылар.

Скопировать ссылку

(Актаныш, 10 июль, «Татар-информ», «Актаныш», Ләйсән Газизова). Гаилә, Мәхәббәт һәм Тугрылык көнендә Актанышның 14 нче парына «Мәхәббәт һәм тугрылык өчен» медале тапшырылды.

Әлеге бүләккә Түбән Яхшый авылында яшәүче Зөһрә һәм Мирас Сәлаховлар лаек булды. Быел аларның бергә яши башлауларына 44 ел тулган. Мирас абый авыл хуҗалыгы тармагында озак еллар җаваплы вазифалар башкарса, Зөһрә апа-авылның шәфкать туташы. Сәләховларның өч балалары да бу тормышта үз юлларын тапкан, оныклар бүләк иткән, диелә хәбәрдә.

Район башкарма комитеты җитәкчесе Илшат Габделхәев Сәләховларга «Мәхәббәт һәм Тугрылык» медален тапшырды, әлеге парларны бүген гаиләләр еш таркала торган заманда яшьләргә уңай үрнәк дип билгеләп үтте.

Ленин паркының Пар балдаклар мәйданында уза торган бәйрәмгә бриллиант, алтын туйларын билгеләп үткән районның үрнәк гаиләләре дә чакырылган иде. Хәлимә һәм Шәйхиян Шәемовларның бергә тормыш итүләренә 2021 елда 60 ел тула. Башкарма комитет җитәкчесенең социаль мәсьәләләр буенча урынбасары Ләйсән Нурлыева Шәемовларны район башлыгының Рәхмәт хаты белән хөрмәтләде, диелә район газетасы хәбәрендә.

#Актаныш
autoscroll_news_right_240_400_1
autoscroll_news_right_240_400_2
news_bot_970_100