Актанышта үрнәк гаилә парларына бүләкләр тапшырылачак
.
Скопировать ссылку
(Актаныш, 6 июль, "Татар-информ", "Актаныш таңнары", Лилия Бәхтиева). 8 июль – Гаилә, мәхәббәт һәм тугрылык көнен дә быел актанышлылар гаиләне символлаштырган шушы фонтан янында оештырырга ниятли. Нәкъ менә биредә Актанышның иң үрнәк гаиләсенә “Мәхәббәт һәм тугрылык өчен” медале тапшырылачак. Бу турыда район басмасы хәбәр итә.
Гомумән, районның ЗАГС бүлеге бәйрәм кичен күңелле сюрпризларга бай булачак дип вәгъдә итә. Алар арасында зөбәрҗәт туйларын билгеләп үтүче гаиләне тәбрикләү дә, быел районда теркәлгән 100нче нарасыйга - туу турында таныклык, яшь гаиләләргә ана капиталы сертификаты тапшыру да бар.
Бәйрәм чарасы 8 июльдә 18.00 сәгатьтә Ленин паркында узачак.