Актанышта район башлыгы призына ике көн дәвам иткән көрәш турниры батырлары ачыкланды
Шәхси беренчелек яулаучыларга диплом, медаль һәм акчалата премияләр тапшырылды
(Актаныш, 29 март, "Татар-информ", "Актаныш таңнары", Лилия Бәхтиева). Актанышта район башлыгы призына ике көн дәвам иткән көрәш турниры тәмамланып, ул 14 үлчәм берәмлегендә келәм батырларын билгеләде. Бу турыда җирле басма хәбәр итә.
Шунысы игътибарга лаек, бүгенге җиңүчеләрне район җитәкчелеге белән беррәттән Россия Федераль Җыенының җиденче чакырылыш Дәүләт Думасы депутаты, Россиянең атказанган спорт мастеры Ирек Зиннуров, Татарстан авыл хуҗалыгы министрлыгы вәкилләре дә тәбрик итте.
Нәтиҗәләр буенча, төп гомуми белем бирү мәктәпләре арасында Татар Ямалы мәктәбе - I, Богады командасы - II, Иске Кормаш III урынны яулады.
Урта мәктәпләр арасында Пучы мәктәбе көрәшчеләре - I, Актанышның 1нче мәктәбе - II, Иске Кормаш мәктәбе III урында.
Җиңүче командалар диплом һәм кубоклар белән хөрмәтләнде. Шәхси беренчелек яулаучыларга диплом, медаль һәм акчалата премияләр тапшырылды.