Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Актанышта праймеризга багышланган брифинг үткәрелде
Праймериз өчен Актаныш районы территориясендә барлыгы 7 исәп участогы төзелде.
(Актаныш, 22 май ,"Татар-информ", "Актаныш таңнары", Лилия Бәхтиева). Актаныш районында 26 майда узган брифинг праймеризга багышланды. Бу турыда җирле басма хәбәр итә.
Аның эшендә Актаныш районы Советы рәисе урынбасары Рәйхан Галимҗанова, район Советы аппараты җитәкчесе Альберт Тимиров, “Бердәм Россия” сәяси партиясенең Актаныш җирле бүлеге башкарма комитеты җитәкчесе Зәһинә Исламовалар катнашты.
Бердәм сайлау исемлегендә 102 депутат күрсәтелсә, Ык буе бер мандатлы округтан Татарстан Республикасы Дәүләт Советына депутатлыкка 6 кандидат дәгъва кыла. Алар: Татарстан Дәүләт Советы депутатлары Альберт Хәбибуллин, Ирек Шәрипов, Актаныш районы башлыгы Энгель Фәттахов, Мөслим районы башлыгы Рамил Муллин, Минзәлә районы башлыгы Айдар Сәлахов, Лемон Леронов. Алтынчы чакырылыш Татарстан Республикасы Дәүләт Советына депутлыкка аларның икесе генә сайланачак.
Праймериз өчен Актаныш районы территориясендә барлыгы 7 исәп участогы төзелде. Участоклар Актаныш үзәгендә һәм 5 авыл җирлегендә эшләячәк.
Кызыклы яңалыкларны күзәтеп бару өчен Телеграм-каналга язылыгыз