Авыл 29 июль 2011 16:41

Актанышта “Кызыл олау” бәйрәме узды

Ул көзге муллыкны югалтуларсыз җыеп алып, урнаштырып, бәрәкәтен күрергә теләп уздырыла торган гореф-гадәт

Скопировать ссылку

(Казан, 29 июль, “Татар-информ”, Роза Исмәгыйлова). Актаныш муниципаль районында “Кызыл олау” бәйрәмен уздырдылар. Ул көзге муллыкны югалтуларсыз җыеп алып, урнаштырып, бәрәкәтен күрергә теләп уздырыла торган гореф-гадәт.
Чарада катнашкан муниципаль район башлыгы Энгель Фәттахов:
“Быел моңарчы күрелмәгән уңыш елы. Безнең район басу-кырларын төрле район җитәкчеләре, фән эшлеклеләре килеп карап, югары бәя биреп китте. Шуңа күрә, бу бәйрәмдә, хөрмәтле игенчеләребез, җирне яратуыгыз, фидакарьлегегез өчен зур рәхмәтемне җиткерәм”, - диде.
Алтын ашлык бөртекләре төяп төшән КамАЗлар, тантанадан соң, Актаныш ААҖ Икмәк кабул итү пунктына юнәлде. Анда барысы 65 мең тонна икмәк тапшырырга мөмкин. Эш өч сменада, тәүлек әйләнәсе оештырылган.

Сәхифәләр

Актанышта “Кызыл олау” бәйрәме узды