Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Актанышта Илфат Әнвәров истәлегенә көрәш турниры бишенче тапкыр оештырылды
Быелгы турнирда Башкортстан Республикасыннан, Татарстанның Азнакай, Зәй, Минзәлә районнарыннан 130 көрәшче катнашты.
(Казан, 18 ноябрь, "Татар-информ"). Актанышта Илфат Әнвәров истәлегенә оештырылган көрәш турниры биш еллык юбилеен үткәрде. Бу хакта Актаныш муниципаль районы матбугат хезмәте хәбәр итә.
- 18 ноябрь көнне Актанышның күп тапкырлар Сабантуй батыры, РСФСРның спорт остасы, ТАССР чемпионы, М. Җәлил турниры җиңүчесе Илфат Әнвәровка 68 яшь тулган булыр иде.
"Бу турнирны без әтиебезнең туган көнен үткәргән кебек кабул итәбез. Әтине белгән кешеләр, аның белән мәйданга кергән данлыклы көрәшчеләр, дус-ишләре - һәммәсе дә ярдәм кулы суза. Әтинең дәрәҗәсен, аның бөеклеген, аңа булган хөрмәт билгесен, мөгаен, шушы күрсәткеч билгели дә торгандыр, - ди көрәшченең улы Шәфкать Әнвәров.
"Илфат Әнвәровның оныкларын да көрәш мәйданында күрергә мөмкин иде, алар да Актанышта үткән көрәш турнирында катнашты", диелгән хәбәрдә.
Быелгы турнирда Башкортстан Республикасыннан, Татарстанның Азнакай, Зәй, Минзәлә районнарыннан 130 көрәшче катнашты.
Кызыклы яңалыкларны күзәтеп бару өчен Телеграм-каналга язылыгыз