Актанышта хоккей турнирына нәтиҗә ясалды
Салкын бозда барган киеренке көрәштә чаллылыларга тиңнәр булмады.
(Казан, 19 сентябрь, “Татар-информ”). Актанышның “Лачын” боз сараенда өч көн дәвамында барган зур хоккей турнирына нәтиҗә ясалды.
Нияз Авзалов истәлегенә узган әлеге бәйгедә Актаныш, Кирово-Чепецк, Уфа, Можга, Биектау һәм Чаллы шәһәренең яшь хоккейчылары көч сынашты. Салкын бозда барган киеренке көрәштә чаллылыларга тиңнәр булмады. Биектау районы хоккейчылары – II, Актаныш спортчылары III урыннарга ия булдылар. Җиңүчеләр кубок һәм медальләр белән бүләкләнде, дип белдерә “Актаныш таңнары” басмасы.