Җәмгыять 8 март 2018 03:00

Актанышта Халыкара хатын-кызлар көненә багышланган бәйрәмгә 500 хатын-кыз чакырылган

Шулай бу көнне Актанышта 8 Март – Халыкара хатын-кызлар көне уңаеннан бәйрәм алды ярминкәсе дә үтте.

Скопировать ссылку

(Актаныш, 8 март, "Татар-информ", "Актаныш таңнары"). 7 март көнне Актанышның Ә.Афзалова исемендәге район мәдәният сараенда Халыкара хатын-кызлар көненә багышланган бәйрәм чарасы үтте, дип яза район газетасы.

Бәйрәмгә 500 гүзәл зат чакырулы иде. Алар – төрле тармакта эшләүчеләр, бала тәрбияләүчеләр, җәмәгать эшләрендә катнашучылар. Авыл хуҗалыгы тармагында, мәгариф, медицина кебек киң колачлы өлкәләрдә хезмәт куючылар, җитәкче ханымнар, эшмәкәр хатын-кызлар – барысы да кирәкле һөнәр ияләре. Кадер-хөрмәткә лаек туташлар-ханымнар.

Тантаналы чарада район башкарма комитеты җитәкчесе Энгель Фәттәхов залда утыручыларның һәммәсен дә бәйрәм белән котлады. Аның тәбрикләү сүзләре районыбызның барлык хатын-кызларына да юнәлдерелгән иде. Ул аларга ихластан рәхмәтен белдерде. Һәм зур уңышларга ирешкәннәрне сәхнәгә чакырып бүләкләде.

Хатын-кызларны Татарстанның һәм Башкортостанның халык артисты Айдар Галимов та тәбрик итте. Ел саен хатын-кызларыбызны хөрмәтләү йөзеннән уздырылучы бәйрәм чарасына ул махсус чакырылган иде.

Шулай бу көнне Актанышта 8 Март – Халыкара хатын-кызлар көне уңаеннан бәйрәм алды ярминкәсе дә үтте.

Биредә районның авыл хуҗалыгы продукциясе җитештерүчеләре – фермерлар, крестьян-фермерлык хуҗалыклары, шәхси эшмәкәрләр,җәмәгать туклану предприятиеләре халыкка ит, сөт, май, балык, бөртек, шикәр кебек беренчел продукцияне тәкъдим итте, диелгән район хәбәре.

#Актаныш таңнары

Сәхифәләр

Актанышта Халыкара хатын-кызлар көненә багышланган бәйрәмгә 500 хатын-кыз чакырылган