Актанышта гармунга һәйкәл ачылды
Район үзәгендә "Актаныш гармуннары" фестивале уза.
Скопировать ссылку
(Актаныш, 28 июль, "Татар-информ", Энҗе Габдуллина). Актаныш район үзәгендәге "Актаныш басмалары" ял паркында гармунга һәйкәл ачылды. Һәйкәл ачуны район башлыгы Энгель Фәттахов, Татарстанның атказанган мәдәният хезмәткәре, гармунчы Мирзанур Фарукшин, республика Традицион мәдәниятне үстерү үзәге җитәкчесе Фәнзилә Җәүһәрова башкарды.
Тимердән эшләнгән стеланың авторы - Яңа Әлем авылыннан Азат Сәрвәров.
- Район үзәгендә 27-28 июль көннәрендә "Актаныш гармуннары" фестивале уза, бирегә Россиянең төрле төбәкләреннән гармунчылар җыелды.