Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Актанышта чаңгы базасы ачылды
Әлеге базаны төзү һәм анда уңайлыклар тудыру якынча алты миллион сумга төшкән.
(Актаныш, 28 декабрь, "Татар-информ", "Актаныш - информ", Лилия Бәхтиева). Сәламәт яшәү рәвешен алып баруга йөз тоткан район буларак, Актаныш спорт корылмалары төзүгә, спорт мәйданчыклары булдыруга зур игътибар бирә. Кичә "Нәркә" чаңгы базасы рәсми төстә ачылып, ул беренче чаңгычыларны кабул итте. Бу турыда җирле басма хәбәр итә.
Йөз квадрат метрлы бинада киенү-чишенү, чаңгыларны саклау һәм аларга хезмәт күрсәтү бүлмәләре, тренер кабинеты бар. Биредә прокатка бирү өчен йөз комплект чаңгы да тезеп куелган, юлларны әзерләү өчен снегоход та бар. Әлеге базаны төзү һәм анда уңайлыклар тудыру якынча алты миллион сумга төшкән.
Кызыклы яңалыкларны күзәтеп бару өчен Телеграм-каналга язылыгыз