Актанышта авариядә үлүчеләрнең өчесе Башкортстанның Эстәрлетамак шәһәреннән булган
Һәлакәт урынында Шевроле Лачетти машинасы белән идарә иткән 1999 елгы егет, аның 1967, 1995, 1998 елгы пассажирлары вафат.
Скопировать ссылку
(Казан, 15 декабрь, «Татар-информ», Гөлнар Гарифуллина). Бүген Актаныш районында булган авариядә дүрт кешенең гомере өзелде. Татарстан прокуратурасының матбугат хезмәте аларның өчесе Башкортстанның Эстәрлетамак шәһәреннән булганын әйтте.
Соңрак прокуратура матбугат хезмәте төгәллек кертте: 1998 елгы үлгән пассажирның Уфадан булуы ачыкланган.
Һәлакәт урынында Шевроле Лачетти машинасы белән идарә иткән 1999 елгы егет, аның 1967, 1995, 1998 елгы пассажирлары вафат.
М-7 трассасында 15.35 тирәсендә Шевроле Лачетти Вольво йөк машинасына бәрелә. Авариянең нечкәлекләре ачыклана.