Җәмгыять 19 октябрь 2018 07:00

Актанышның полиция хезмәткәрләре кышкы кием формасына күчте

Строй каравы нәтиҗәләре буенча шәхси составның кышын хезмәт итәргә әзер булуы билгеләп үтелде.

Скопировать ссылку

(Актаныш, 19 октябрь, "Татар-информ", "Актаныш таңнары", Лилия Бәхтиева). Бүген, 2018 елның 17 октябрендә, Рооссия Эчке эшләр министрлыгының Актаныш районы буенча бүлеге каршында полиция хезмәткәрләренең строй каравы узды. Шул рәвешле шәхси состав рәсми төстә кышкы кием формасына күчеп, кышкы чордагы хезмәткә әзерлек дәрәҗәсе тикшерелде, дип яза җирле басма.

Полиция хезмәткәрләренең төп "ревизоры" ТР эчке эшләр министрлыгының Актаныш районы буенча бүлегенең полиция җитәкчесе урынбасары, подполковник Фәһим Нуриев иде. Фәһим Зәкәри улы бүлекчәдәге җинаятьчеләрне эзләү хезмәткәрләрен, тикшерүчеләрне, сорау алучыларны, патруль-пост һәм юл-патруль хезмәтләре хезмәткәрләрен, участок уполномоченныйларын, балигъ булмаганнар эшләре буенча инспекторларны һәм эчке хезмәт хезмәткәрләрен “энә күзеннән” үткәрде. Аларның кием-салымнары, жетон һәм күкрәк билгеләре, хезмәт таныклыклары, тышкы кыяфәтләре тикшерелде.

Строй каравы нәтиҗәләре буенча шәхси составның кышын хезмәт итәргә әзер булуы билгеләп үтелде.

Строй каравында кече лейтенант Л. С. Әхмәдишинага “эчке хезмәт лейтенанты” дигән махсус исем бирелде.

#Актаныш таңнары

Сәхифәләр

Актанышның полиция хезмәткәрләре кышкы кием формасына күчте