Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Актанышның "Җәмигъ" мәчетендә 100гә якын бала ял итте
Рухи сәламәтләндерү үзәкләрендә балаларга догалар, гарәп хәрефләре, пәйгамбәрләр тарихы, намаз уку тәртибе өйрәтелде.
(Актаныш, 20 июль, "Татар-информ", "Актаныш таңнары"). Июль аенда Актаныш авылының “Җәмигъ“,“Бүләк“, “Мәүлид”, Гәмбәрия мәчетләре каршында, шулай ук районның башка авылларында да дини лагерьлар оештырылды, дип яза җирле басма.
Рухи сәламәтләндерү үзәкләрендә балаларга догалар, гарәп хәрефләре, пәйгамбәрләр тарихы, намаз уку тәртибе өйрәтелде. Шулай ук мәчетяны лагерына йөрүче балалар спорт белән дә шөгыльләнделәр, кызлар кул эшләре серләренә дә төшенделәр. Балалар өчен күңел ачу чаралары да әзерләнгән иде.
9 - 19 июль көннәрендә район үзәгендә урнашкан Җәмигъ мәчетендә дә ир һәм кыз балалар өчен рухи сәламәтләндерү үзәге эшләде. Утызлап ир бала, алтмышлап кыз бала биредә ислам дине сабакларына төшенде. 19 июль – лагерьнең соңгы көнендә - балалар өчен бәйрәм оештырылды. Аларга төрле уен чаралары оештырган иде мөгаллимә апалары. Балалар аларда теләп катнашып, истәлек бүләкләренә ия булдылар.
Кызыклы яңалыкларны күзәтеп бару өчен Телеграм-каналга язылыгыз