Актанышның Киров авылы халык театры "Идел-йорт" фестиваль-конкурсында катнашкан
Быел фестиваль татар театры оешуга 110 ел тулуга багышлап уздырыла.
Скопировать ссылку
(Казан, 20 ноябрь, "Татар-информ"). 8 ноябрьдә Казанның В.И.Ленин исемендәге мәдәният йортында театр коллективларының XVI «Идел-йорт» төбәкара фестиваль-конкурсы ачылды. Быел фестиваль татар театры оешуга 110 ел тулуга багышлап уздырыла. 16 ноябрьдә «Идел-йорт» фестивалендә Актаныш районының Киров авыл мәдәният йорты халык театры спектакль куйды. Бу хакта Актанышның мәгълүмат-мөхәррият үзәге сайты хәбәр итә.
Режиссер Алсу Хуҗина һәм артистлар тамашачыларга Ралиф Кинҗебаевның «Туй күлмәгем калдым кочаклап» дигән драмасын тәкъдим итте.
Тамашачылар да, жюри да спектакльне югары бәяләде.
