Җәмгыять 10 май 2018 05:00

Актаныш районының 4 ветеранына Фидакарь хезмәте өчен" медале тапшырылды

30 майга кадәр районда әлеге медальләрне тапшыру дәвам итәчәк.

Скопировать ссылку

(Актаныш, 10 май, "Татар-информ", "Актаныш таңнары", Лилия Бәхтиева). Актаныш районының 4 ветеранына "Фидакарь хезмәте өчен" медале тапшырылды. 30 майга кадәр районда әлеге медальләрне тапшыру дәвам итәчәк, дип яза җирле басма.

Бүген Актаныш районы Бөек Җиңүнең 73 еллыгын каршы алды. Безнең районнан сугышка 21 меңнән артык кеше киткән. Без зур горурлык һәм хөрмәт хисләре белән якташларыбыз,Ватан хакына көрәштә ятып калган 9 меңнән артык райондашларыбызны бүген тагын бер кат искә алдык.

Бүген Актаныш районында 26 Бөек Ватан сугышы ветераны исән-сау. Алар белән хаклы рәвештә горурланабыз. Җиңүчеләр буынын үзебезгә үрнәк итеп куябыз.

Бүгенге бәйрәм тантанасында 4 райондашыбызга Татарстан Республикасының "Фидакарь хезмәте өчен" медале тапшырылды. Әнәс Суфиян улы Моратов, Вазыйх Фатыйх улы Шакиров, Миңнегали Сираҗи улы Галиев, Хадимулла Зәйнулла улы Зәйнуллиннар Энгель Нәвап улы кулыннан әлеге дәрәҗәле бүләкләрне кабул итеп алды.

30 майга кадәр районыбызда әлеге медальләрне тапшыру дәвам итәчәк.

Искәртеп үтәбез, шушы медальне республикада 1596 кешегә тапшыру ниятләнә. Шулай ук, Бөек Ватан сугышында гамәлдәге армия составына кермәгән 412 кеше, "Блокадалы Ленинград" билгесе белән бүләкләнгән 173 кеше, концлагерьларның балигъ булмаган 188 тоткыны исәпләнә. Бу категория кешеләргә шушы медаль биреләчәк. Бу бүләк Татарстан территориясендә яшәүче һәм шул куркыныч елларның хатирәләрен үзендә йөртүче кешеләргә ихтирам йөзеннән тапшырыла.

#Актаныш таңнары

Сәхифәләр

Актаныш районының 4 ветеранына Фидакарь хезмәте өчен" медале тапшырылды