Фән һәм мәгариф 25 май 2019 23:00

Актаныш районы мәктәпләрендә соңгы кыңгырау чыңлады

Актаныш урта мәктәбендә узган бәйрәм тантанасында район башлыгы Энгель Фәттахов катнашты.

Скопировать ссылку

(Актаныш, 25 май, "Татар-информ", "Актаныш таңнары", Лилия Бәхтиева). 25 майда Актаныш районының чыгарылыш сыйныф укучылары өчен соңгы тапкыр мәктәп кыңгыравы чыңлады. Бу турыда җирле басма хәбәр итә.

Иңнәрендә очар канат тойган укучылар мәктәп, иптәшләре, укытучылар коллективы белән хушлашты. Район үзәгендәге беренче санлы Актаныш урта мәктәбендә узган бәйрәм тантанасында район башлыгы Энгель Фәттахов катнашты.

-Барлык теләкләрегезнең тормышка ашуын телим: югары уку йортларына укырга керергә, эшкә урнашырга, тормышыгыз сез теләгәнчә булсын, әти-әниләр һәм укытучылар сезнең белән горурлана алсын,- диде район җитәкчесе чыгарылышлыларга мөрәҗәгать итеп.

Укучыларны, беренче мөгаллимнәре һәм әти-әниләре, башлангыч сыйныф укучылары да тәбрикләде. Чыгыш ясаган һәркем уку елы тәмамлану уңаеннан иң ихлас котлау сүзләрен җиткерде.

#Актаныш таңнары

Сәхифәләр

Актаныш районы мәктәпләрендә соңгы кыңгырау чыңлады