Актаныш укучылары Сөн елгасы буенда экологик өмә үткәрде
Экологик икеайлык кысаларында Актаныш районы Меңнәр төп гомуми белем бирү мәктәбе укучылары Сөн чыршы елгасы ярын чистарту буенча зур өмә оештырды. Авыл белән янәшә аккан бу матур елга табигый байлык, бизәк кенә түгел, ә мөһим экосистема да булып тора. Бу хакта «Актаныш» сайтында Ләйсән Газизова яза.
Укучылар, педагоглар белән актив рәвештә чүп-чар җыйды, яр буе зонасын иске агач ботакларыннан, пластиктан һәм пыяладан чистартты. Берничә сәгать эчендә 20 капчыктан артык калдык җыелды, аларны утильләштерүгә җибәрәчәкләр.
Өмә бердәм үтте: балалар эшләп кенә калмадылар, Сөн елгасының тирәсенең җирле флора һәм фауна өчен әһәмияте турында да белделәр. Мәктәп укучылары сулыкларның чисталыгы бөтен экосистема сәламәтлегенең нигезе булуына инанды. Мондый акцияләр балаларны табигать өчен җаваплылыкка өйрәтә.
«Мәктәп администрациясе барлык авыл халкын мондый акцияләргә кушылырга һәм әйләнә-тирә дөньяга сак карарга өнди», – диелгән хәбәрдә.