Актаныш тәрбиячеләре туган телдә белем һәм тәрбия бирүче иң яхшылар исемлегенә керде
Татарстан Мәгариф һәм фән министрлыгы тарафыннан «Татарстан Республикасы территориясендә яшәүче халыкларның туган телләрен саклауга һәм үстерүгә юнәлдерелгән проектларны гамәлгә ашыруга туган телдә тәрбияләү һәм укытуны гамәлгә ашыручы педагоглар арасында республика конкурсы» узды. Актаныш районы тәрбиячеләре туган телдә белем һәм тәрбия бирүче иң яхшы 100 педагог исемлегенә керде. Бу хакта «Актаныш» сайтында Ләйсән Газизова яза.
Алар талантлы тәрбиячеләр - Ирина Бәдертдинова (4нче балалар бакчасы), Фирүзә Закирова (Яңа Әлем балалар бакчасы), Кадрия Әдһәмова (7нче балалар бакчасы).
Фото: © http://aktanysh-rt.ru
«Аларны республика конкурсында җиңүләре белән котлыйбыз. Сезнең хезмәтегез һәм туган телдә белем бирү һәм тәрбия эшенә тугрылыгыгыз барыбызны да рухландыра! Сезгә җаваплы эшегездә яңа уңышлар һәм казанышлар телибез!» – диелгән хәбәрдә.
Фото: © http://aktanysh-rt.ru