Актаныш районы башлыгы бильярд ярышында II урын алды
Скопировать ссылку
Бу көннәрдә Татарстан муниципаль хезмәткәрләре арасында төрле спорт төрләре буенча бәйгеләрне берләштергән спартакиада дәвам итә. Саба районында республика районнары башлыклары арасында оештырылган бильярд ярышында Ленар Зарипов II урын алды.
Гомуми очколар саны буенча Актаныш командасы I урында бара. Кичә генә район командасына саллы гына баллны район башлыгы Ленар Зариповның уңышы китерде. Бу хакта «Актаныш-информ» хәбәр итә.
«Җитәкчебезне ихластан котлыйбыз, Актаныш командасының бу биеклекне спартакиада ахырына кадәр саклап, чемпион калуын телибез», диелгән хәбәрдә.