Авыл 3 ноябрь 2024 20:37

Актаныш авыл хуҗлыгы ярминкәсендә икмәк уңышы тәкъдим ителде

Скопировать ссылку

Актанышта Халыклар бердәмлеге көненә багышланган ярминкә узды. Авыл хуҗалыгы ярминкәсе 07:00 сәгатьтән үк Актаныш районы басу-кырларында үстерелгән ашлык культураларын сату белән башланып китте, дип яза «Актаныш-информ» сайты.

Хәрби комиссариат янындагы машиналар куя торган мәйданга хуҗалыклар бодай, арпа, борчак кебек бөртеклеләр алып килгән иде.

Мал-туар, кош-корт тотучы актанышлылар сатыла торган товарның бәяләренә дә карап сыйфатлысын сайлап алдылар. 103 нче янгын сакчылыгы хезмәте оешмасы бинасы каршында салам һәм җир ашы – тирес төягән йөк машиналары тезелгән.

Ярминкә барышы белән Актаныш район башкарма комитеты җитәкчесе Рөстәм Ильясов, район башлыгы урынбасары Илшат Габдулхаев, район Советы аппараты җитәкчесе Илшат Габдулхаев, район башкарма комитеты җитәкчесе урынбасарлары Дилбәр Әнвәрова, Лиана Сираева, Актаныш авыл җирлеге башкарма комитеты җитәкчесе Камил Әхмәтгалиев карап, танышып чыкты, диелә хәбәрдә.

Сәхифәләр

Актаныш авыл хуҗлыгы ярминкәсендә икмәк уңышы тәкъдим ителде