Татар дөньясы 3 июль 2018 09:40

Актүбәдән Эльмира Ядгарова "Татар кызы" Халыкара бәйгесендә Казахстанны тәкъдим итәчәк

Казахстанда "Татар кызы-2018"не сайладылар.

Скопировать ссылку

(Казан, 3 июль, "Татар-информ"). Казахстанның Халыклар ассамблеясы бинасында "Татар кызы" бәйгесендә Актүбә шәһәреннән Эльмира Ядгарова җиңү яулады. Бу хакта Актүбә татарлары һәм башкортларының "Шатлык" этномәдәни берләшмәсе хәбәр итә.

Конкурста Караганда, Астана, Костанай, Актүбә шәһәрләреннән 18 — 25 яшьтәге татар кызлары катнашты. Бәйге таләпләре буенча, катнашучылар татар телен, татар гореф-гадәтләрен, тарихын һәм мәдәниятен яхшы белергә тиеш.

Конкурс берничә этаптан торган. Кызларның кул эшләренә осталыкларын, мисал өчен, калфак чиктереп караганнар. Шулай ук конкурстантлар чәк-чәк пешерү осталыкларын да күрсәткән.

Бәйге нәтиҗәләре буенча С.Байшев университетының 20 яшьлек студенткасы Эльмира Ядгарова җиңүче дип табылды. Ул Казанда 6 октябрьдә үтәчәк "Татар кызы" бәйгесе финалында Казахстанны тәкъдим итәчәк.

#конкурс #татар кызы

Сәхифәләр

Актүбәдән Эльмира Ядгарова "Татар кызы" Халыкара бәйгесендә Казахстанны тәкъдим итәчәк