Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Аксубайның 2нче мәктәбе командасы район күләмендә үткән шахмат турнирында җиңү яулады
Мәктәпләрдә кышкы каникуллар дәвам иткән бу көннәрдә шахмат турнирын район хакимиятенең Яшьләр эшләре һәм спорт бүлеге оештырды.
(Аксубай, 4 гыйнвар, «Татар-информ, «Авыл таңнары», Лариса Лизунова). Татарстанның Аксубай районында кызлар һәм малайлар арасында шахмат беренчелеге узды. Ярышта биш уку йорты — Аксубайның 2нче һәм 3нче, шулай ук Түбән Татар Майнасы, Иске Ибрай, Савгач авыллары мәктәпләре укучылары көч сынашты, дип хәбәр итә район газетасы.
Мәктәпләрдә кышкы каникуллар дәвам иткән бу көннәрдә шахмат турнирын район хакимиятенең Яшьләр эшләре һәм спорт бүлеге оештырды. Ярышта 2002 елга кадәр туган укучылар катнашты. Беренче урынны алган командага Кубок тапшырылды.
Егетләр арасында — Фаил Гафиятуллин (Түбән Татар Майнасы мәктәбе), кызлар арасында — Юлия Борисова (Аксубайның 2нче мәктәбе) лаеклы беренче урынны яулады.
Командалар арасында Аксубайның 2нче мәктәбе беренче булды һәм Кубок белән бүләкләнде. Икенчедә — Түбән Татар Майнасы мәктәбе, ә өченчедә — Иске Ибрай мәктәбе укучылары.
Кызыклы яңалыкларны күзәтеп бару өчен Телеграм-каналга язылыгыз