Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Аксубайда язгы чәчү кампаниясенә йомгак ясадылар
Бөртекле сабан культуралары 24 мең га мәйданда чәчелгән, көнбагыш – 4,9 мең га, рапс – 0,7 мең га.
(Казан, 29 май, "Татар-информ"). Татарстан Республикасы Аксубай муниципаль районының "Восходящая заря" агрофирмасы” ҖЧҖенең “Аксубай” филиалы базасында 2018 елгы язгы чәчү кампаниясенә йомгаклар ясадылар. Бу турыда Татарстан Авыл хуҗалыгы һәм азык-төлек министрлыгы матбугат хезмәте хәбәр итте.
Районның Авыл хуҗалыгы һәм азык-төлек идарәсе башлыгы Миниршат Алимов районда язгы чәчүнең тәмамлануы турында хәбәр иткән. Бөртекле сабан культуралары 24 мең га мәйданда чәчелгән, көнбагыш – 4,9 мең га, рапс – 0,7 мең га.
"Хәзер бөтен көчне авыл хуҗалыгы культуралары уңышын булдыру өчен чаралар башкаруга юнәлтергә кирәк. Үсемлекләрне чүпләнүдән, корткычлардан һәм авырулардан саклауга каршы эшләргә аерым игътибар бирелергә тиеш", – дигән Миниршат Алимов.
Семинар-киңәшмәдә районның Авыл хуҗалыгы һәм азык-төлек идарәсе хезмәткәрләре, "Россельхозцентр" ФДБУ Татарстан Республикасы филиалының район бүлеге белгечләре, хуҗалыклар җитәкчеләре һәм белгечләре катнашкан.
Кызыклы яңалыкларны күзәтеп бару өчен Телеграм-каналга язылыгыз