Фән һәм мәгариф 19 февраль 2017 00:01

Аксубайда иң яхшы укытучыларны ачыкладылар

Җиңүчеләр Аксубайда март аенда уздырылачак җирле этапка әзерләнәләр.

Скопировать ссылку

(Аксубай, 19 февраль ,"Татар-информ", Авыл таңнары"). Аксубайда “Ел укытучысы“ республика бәйгесенең муниципаль этабы тәмамланды. Соңгы бәйге “Өстәмә белем бирү мөгаллиме“, “Педагог-оештыручы“, “Тәрбия эшләре буенча директор урынбасары“ номинацияләре буенча үтте. Урында уздырылган бәйгедә катнашуга теләк белдерүчеләр арасыннан 13 кеше сайланды. Аксубай лицеенда хөкемдарлар коллегиясе конкурсантларга бәя бирде, дип яза районның "Авыл таңнары" газетасы.

Оештыру комитеты карарына нигезләнеп бәйге җиңүчеләре булып “Тәрбия эшләре буенча директор урынбасары“ номинациясендә Лилия Мясникова (Аксубайның 2 нче мәктәбе), “Педагог-оештыручы“ номинациясендә – Светлана Башатова (2 нче мәктәп), “Өстәмә белем бирү педагогы“ номинациясендә Наталия Воронина (Кәкре Күл мәктәбе) танылдылар.

Муниципаль этапта “Тәрбия эшләре буенча директор урынбасары“ номинациясендә Аксубайның 3 нче мәктәбеннән Татьяна Семенова һәм Кәкре Күл мәктәбеннән Гөлназ Гыйматдинова, “Педагог-оештыручы“ номинациясендә Аксубай лицееннан Анастасия Чернышева һәм Аксубайның 3 нче мәктәбеннән Любовь Дружкова, “Өстәмә белем бирү педагогы“ номинациясендә Аксубайның 2 нче мәктәбеннән Геннадий Горбунов һәм Аксубай лицееннан Валерий Павлов җиңүче булдылар.

Номинацияләрдә җиңүчеләр: “Профессиональ эрудиция“дә – Яңа Ибрай мәктәбенең педагог-оештыручысы Рузалия Гелметдинова; “Балалар хәрәкәте программасы“нда – Яңа Тимошкино мәктәбенең педагог-оештыручысы Нина Тербукова; “Педагогик үзенчәлек“тә – Яңа Ибрай мәктәбенең өстәмә белем бирү педагогы Альбира Кәбирова; “Мин – оста“да – Савгач мәктәбенең өстәмә белем бирү педагогы Вячеслав Ипеев.

Барлык катнашучылар мәгариф бүлегеннән грамоталар белән бүләкләнделәр. Җиңүчеләр Аксубайда март аенда уздырылачак җирле этапка әзерләнәләр, диелә район хәбәрендә.

#Аксубай #Авыл таңнары

Сәхифәләр

Аксубайда иң яхшы укытучыларны ачыкладылар