Аксубай районында янгында 48 яшьлек ир-ат һәлак булган
Әлеге фаҗига Подлесная урамындагы 7нче йортта булган.
Скопировать ссылку
(Казан, 14 гыйнвар, “Татар-информ”). Аксубай районында Сосновка авылында янгын чыккан. Бу хакта “Татар-информ” агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтеннән хәбәр иттеләр.
Әлеге фаҗига Подлесная урамындагы 7нче йортта булган.
Агач йортның ике квадрат метрдагы мәйданы янган. Соңыннан 48 яшьлек ир-атның үле гәүдәсе табылган.
Башлангыч мәгълүматлар буенча, янгын тәмәке тартканда саксызлык аркасында килеп чыккан.