Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Аксубай районында кадет мәктәбе булырга мөмкин
Районда белем бирү учреждениеләре рейтингында әлеге мәктәп яхшы позициядә тора.
(Аксубай, 7 апрель, "Татар-информ", "Авыл таңнары", Людмила Жаренова). В.Ф.Тарасов исемендәге Иске Мокшино урта мәктәбе яңа дәрәҗәдәге белем бирү учреждениесе - Росгвардиянең кадет мәктәбе булуга лаек. Бу турыда РФ Милли гвардия гаскәрләре федераль хезмәтенең Татарстан буенча идарәсе башлыгы урынбасары Рафил Нәбиуллин әйтте, дип яза җирле басма.
Районда белем бирү учреждениеләре рейтингында әлеге мәктәп яхшы позициядә тора. Мәктәп укучылары олимпиада һәм конкурсларның муниципаль һәм республика этапларында призлы урыннар ала һәм бердәм дәүләт имтиханнарында да яхшы нәтиҗәләр күрсәтә.
Иске Мокшино урта мәктәбе һәрвакытта да районда иң яхшы белем бирү учреждениеләр рәтендә булды. Монда тәҗрибәле, үз эшләренең остасы булган педагоглар эшли. Вакытында әлеге мәктәп базасында Иске Мокшино агролицее ачылган иде.
Мәктәп коллективы яңача белем бирү программасын уңышлы үзләштереп эшчәнлеген дәвам итте,- дип билгеләп үтте район башлыгы Камил Гилманов. - Мәктәп һәрвакытта да алга омтыла, шуңа күрә әлеге мәктәп базасында Росгвардия мәктәбе ачу мәсьәләсе республика дәрәҗәсендә уңай хәл ителер дип уйлыйм.
Рафил Нәбиуллин әйтүенчә, Татарстанда Росгвардиянең кадет мәктәбен ачу - тәҗибә проекты булып тора.
Без кадет мәктәбен ачуны нәкъ менә еракта урнашкан төбәкләрдә, районнарда патриотик тәрбиягә игътибар бирү максатыннан ачу вариантларын карыйбыз. Бу укучыларга мәктәптә укыган вакытта ук һөнәр сайлауда бер зур этәргеч булып тора,- дип билгеләп үтте Рафил Нәбиуллин.
Кызыклы яңалыкларны күзәтеп бару өчен Телеграм-каналга язылыгыз