Җәмгыять 31 декабрь 2018 20:00

Аксубай районы Тахталы авылында Яңа ел көнендә фельдшерлык пунктын ачтылар

ФАП төзелеше өчен республика бюджетыннан 2,9 миллион сумнан артык акча күчерелгән.

Скопировать ссылку

(Аксубай, 31 декабрь, "Татар-информ", "Авыл таңнары", Людмила Жаренова). Бүген Аксубай районы Тахталы авылында фельдшерлык пунктын ачтылар. Ул "Татарстан Республикасы халкына беренчел медицина-санитар ярдәмен камилләштерү" программасы буенча төзелгән. Бу турыда җирле басма сайты хәбәр итә.

ФАП төзелеше өчен республика бюджетыннан 2,9 миллион сумнан артык акча күчерелгән. Биредә пациентлар өчен уңайлыклар тудырылган. Гомуми мәйданы 62,5 кв.м. булган ФАП торак пунктта яшәүче 301 кешегә хезмәт күрсәтәчәк.

Район башлыгы Камил Гыйльманов, башкарма комитет җитәкчесе Анатолий Горбунов, Аксубай Үзәк район хастаханәсе баш табибы Рөстәм Әхмәтшин, шулай ук Кыш бабай белән Кар кызы да авыл халкын истәлекле вакыйга белән котларга килгән иде.

Яңа заманча медицина учреждениесе кирәкле аппаратура һәм җиһазлар белән тәэмин ителгән.

#Аксубай #Авыл таңнары

Сәхифәләр

Аксубай районы Тахталы авылында Яңа ел көнендә фельдшерлык пунктын ачтылар