Җәмгыять 2 июнь 2019 20:00

Аксубай муниципаль хезмәткәрләре Татарстан профсоюзлары алтын кубогына ия булган

Турслет актив ял итү һәм сәламәт яшәү рәвешен пропагандалау ысулы буларак спорт-сәламәтләндерү туризмын популярлаштыру кысаларында оештырылган.

Скопировать ссылку

(Аксубай, 2 июнь, "Татар-информ", "Авыл таңнары", Людмила Жаренова). Аксубай районы муниципаль хезмәткәрләре командасы Россия Дәүләт учреждениеләре һәм иҗтимагый хезмәт күрсәтү хезмәткәрләре профсоюзларының республика оешмасы линиясе буенча "100 юл" турслеты җиңүчесе булган. Бу турыда район басмасы хәбәр итә.

Турслет актив ял итү һәм сәламәт яшәү рәвешен пропагандалау ысулы буларак спорт-сәламәтләндерү туризмын популярлаштыру кысаларында оештырылган һәм ТАССРның 100 еллыгына багышланган.

Аксубай районын район башкарма комитетының бүлек начальниклары арасыннан Борис Соломонов, Радик Канәфин, Алексей Тимирясов административ комиссиянең җаваплы секретаре Николай Камбулов җитәкчелегендәге команда тәкъдим итте.

Барлык сынауларны уңышлы үтеп, команда районга җиңүче дипломы һәм алтын кубок алып кайткан.

#Аксубай #Авыл таңнары

Сәхифәләр

Аксубай муниципаль хезмәткәрләре Татарстан профсоюзлары алтын кубогына ия булган