Җәмгыять 20 февраль 2017 00:01

Аксубай мәктәпләрендә - гражданлык-патриотик тәрбия айлыгы

Укучылар белән сугыш һәм эчке хезмәт ветераннары советлары вәкилләре очраша.

Скопировать ссылку

(Аксубай, 20 февраль, "Татар-информ", "Авыл таңнары", Ольга Макарова.) . Аксубай мәктәпләрендә гражданлык-патриотик тәрбия айлыгы кысаларында мәктәпләрдә “Батырлык дәресләре“ үтә, дип яза районның "Авыл таңнары" газетасы.

Укучылар белән сугыш һәм эчке хезмәт ветераннары советлары вәкилләре очраша. Шул көннәрдә Аксубайның 2нче мәктәбендә “Батырлык дәресләре“ үтте. Балалар белән Әфган сугышы ветераны Гомәр Хәйруллин, эчке эшләр бүлеге ветераннары Советы рәисе Шамил Сәхабетдинов һәм ПДН инспекторы Игорь Белов очрашты. Аксубайның 3нче мәктәбендә айлык кысаларында 3 сыйныфта класс сәгате узды. Балалар “Илнең иминлеге кемгә бәйле?“ дигән сорауга җавап бирергә тырыштылар. Тарихи тамырлар, дәүләт символлары турында сөйләделәр. Практик эш тә кызыклы үтте. Укучылар дәүләт әләмен һәм гербын ясадылар, диелә район хәбәрендә.

#Аксубай #Авыл таңнары

Сәхифәләр

Аксубай мәктәпләрендә - гражданлык-патриотик тәрбия айлыгы