Икътисад 5 декабрь 2018 04:00

Аксубай эшкуарлары берләшмәсе вәкаләтле вәкил белән очрашты

Тимур Нагуманов үзенең чыгышында Аксубай районында эшлекле активлык һәм эшлекле климатны үлчәүнең кайбер моментларын мисал итеп китерде.

Скопировать ссылку

(Аксубай, 5 декабрь, "Татар-информ", "Авыл таңнары", Ольга Макарова). Аксубай эшкуарлары берләшмәсе вәкаләтле вәкил белән очрашты. Бу турыда җирле басма хәбәр итә.

ТР Президенты каршындагы эшмәкәрләр хокукларын яклау буенча вәкаләтле вәкил Тимур Нагуманов белән очрашу вакытында районның бизнес-берләшмәсе федераль сәүдә челтәрләренең “һөҗүме“, җир участокларының базар бәясе белән кадастр бәясе арасындагы аермасы, ачык аукционда бәяләрнең арту проблемасына кагылышлы һәм башка сорауларны яудырдылар.

Очрашу район башлыгы Камил Гилманов, ТР буенча баш федераль инспектор Ренат Тимерҗанов, ТР прокуроры урынбасары Марат Долгов, Салым хезмәте Идарәсе җитәкчесе урынбасары Андрей Никиташин һәм бизнес-инкубатор вәкилләре, юристлар, Татарстанда эшмәкәрлеккә ярдәм итү ведомстволары җитәкчеләре катнашында үтте.

"Эшлекле активлык һәм эшлекле климат, уртача республика билгеләнешеннән аз гына түбән булса да, Аксубай районы – күрсәткечләрнең кимүенә юл куймыйча, үсеш алуга ирешкән муниципалитетларның берсе, – дип билгеләп үтте ул.

Компанияләрнең яртысы диярлек соңгы ярты елда табышның кимүен ачыклаган. Аларның 43 проценты алдагы ярты елда хәлнең тагын да начараюын белдерә.

#Аксубай #Авыл таңнары

Сәхифәләр

Аксубай эшкуарлары берләшмәсе вәкаләтле вәкил белән очрашты