Аксубай егете бадминтон буенча Бөтенроссия турнирында өч медаль алган
Ярышларда 18 яшьлек һәм яшьрәк өч йөз илледән артык спортчы катнашкан.
Скопировать ссылку
(Аксубай, 9 ноябрь, "Татар-информ", "Авыл таңнары", Светлана Ашаева). Аксубайлы Никита Мулеев бадминтон буенча «Түбән Новгород воланы» Бөтенроссия үсмерләр турнирында өч алтын медаль иясе булган. Бу турыда район басмасы хәбәр итә.
Ярышларга үз осталыкларын күрсәтергә Россиянең төрле төбәкләреннән 18 яшьлек һәм яшьрәк өч йөз илледән артык спортчы килгән.
Никита ялгыз уенда да, парлы һәм катнаш парлы чыгышта да шәп нәтиҗә күрсәтеп, пьедесталның беренче баскычына күтәрелгән.