Аксубайлы тәүлек эчендә 244 километрдан артык араны йөгереп узган
Скопировать ссылку
Аксубай районында туып үскән Альберт Кәлимуллин Мәскәүдә 24 сәгатькә йөгерү буенча чираттагы Россия чемпионатында катнашкан. Бу хакта «Авыл таңнары» хәбәр итә.
Яңа Дума авылында туып үскән спортчы тәүлек дәвамында – 244 километр 481 метр араны йөгереп узган. Ул 24 сәгатькә йөгерү буенча җиңел атлетика буенча спорт мастерлыгына нормативны үтәгән. Бу ярышта иң югары нәтиҗә 269 километр 224 метр булган. Марафонда Россиянең төрле төбәкләреннән 150 йөгерешче катнашкан.
Альберт Кәлимуллин – Татарстан һәм Россия буенча марафон ярышларында актив катнашучы һәм берничә тапкыр призер.
Фото: © http://aksubayevo.ru/