Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Аксубай урта мәктәбе мәйданчыгында Татар теле көнен үткәрделәр
Аксубай урта мәктәбе мәйданчыгында Татар теле көне үтте. Гаилә елы кысаларында район мәгариф бүлеге тарафыннан оештырылган чара иң яхшы шигырь сөйләү, җыр һәм бию башкару бәйгеләре рәвешендә узды. Бу хакта «Авыл таңнары» яза.
Чарада татар теле укытылган районның барлык мәктәпләре катнашты, катнашучыларны Туган тел көне тарихы белән таныштырдылар.
«Бүгенге чараның төп максаты – яшь буында янәшәдә яшәүче халыкларның гореф-гадәтләренә һәм йолаларына ихтирам һәм хөрмәт тәрбияләү. Чөнки бәйгедә чуваш балалары да, руслар да катнаша. Һәм, әлбәттә инде, үз телеңне сакларга, аңа тагын да күбрәк кызыксыну уятырга», – диде мәгариф бүлегенең методика бүлеге белгече Айгөл Хәмитова.
«Шигырь» номинациясендә чарада катнашучылар туган телнең матурлыгы һәм байлыгы, кече ватан, ана, гаилә турында шигырьләр укыды.
Яңа Ибрай урта мәктәбенең 7нче сыйныф укучысы Гүзәл Әхмәтова җыр башкарганда зал тынып калды. Бу шулкадәр югары дәрәҗәдә эшләнде. Аксубайның 3нче мәктәбе укучысы Екатерина Горбунова татарча җырны үз телендәге кебек ачык, матур итеп башкарды, тамашачылар аның чыгышы да шулай ук җылы кабул итте. Катнашучылар шигырьләрне дә, җырларны да, биюләрне дә бертөрле энтузиазм белән башкарды.
Бигрәк тә Иске Мокшино һәм Яңа Ибрай урта мәктәпләре укучылары куелышында бию һәркемгә ошады. Аксубайның 2нче мәктәбе укучылары тәкъдим иткән традицион «Аулак өй» һәм 1нче мәктәпнең яшь артистлары куйган «Сабан туе» күренешләре залны гына түгел, жюрины да әсир итте.
Бәйге нәтиҗәләре соңрак билгеле булачак.
Кызыклы яңалыкларны күзәтеп бару өчен Телеграм-каналга язылыгыз