Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Аксубай районында Хәсән Туфан музей-йортында укучыларга аның иҗаты турында сөйләделәр
Аксубай районы Иске Кармәт авылында Хәсән Туфан музей-йортында бөек татар шагыйренең 125 еллыгына багышланган «Сездә калам» исемле истәлек кичәсе узды. Бу хакта «Авыл таңнары» яза.
Чарада В.Г.Тимирясов исемендәге Аксубайның 1 нче мәктәбе укучылары, «Туфан варислары» клубы активистлары һәм татар теле укытучылары катнашты. Музей-йорт директоры Тәгъзимә Низамова кунакларны шагыйрьнең тормышы һәм иҗаты белән таныштырды, аның мирасының күпкырлы булуын ачып, экскурсия үткәрде.
Мөгаллимә Әлфирә Галиеваның Хәсән Туфан истәлегенә багышланган яңа җыентыгыннан шигырьләрне уку аеруча дулкынландыргыч мизгел булды. Автор һәм укучылар тыңлаучыларга тирән хисләр бүләк иттеләр һәм бөек сүз остасы иҗаты белән бердәмлекне тойдылар.
Кичәне тәмамлап, Тәгъзимә Низамова әдәби кичәдә катнашучыларга Хәсән Туфан мирасын популярлаштыруга керткән өлешләре өчен Рәхмәт хатлары тапшырды.
Кызыклы яңалыкларны күзәтеп бару өчен Телеграм-каналга язылыгыз