Аксубай районы механизаторларына намуслы хезмәтләре өчен бүләкләр тапшырылды
2022 елгы чәчү кампаниясендә ирешкән уңышлары өчен Аксубай районының иң нәтиҗәле механизаторлары район җитәкчелегеннән бүләкләр һәм премияләр алды. Бу турыда «Авыл таңнары» сайтында хәбәр ителә.
Район башлыгы Камил Гыйльманов «Волга-Селект» ҖЧҖ механизаторлары Инсаф Сөләймановка, Ришат Гатинга, Илнур Әфләтуновка, Рәмис Гиматовка Рәхмәт хатлары тапшырды. Бу игенчеләр авыл хуҗалыгы предприятиесенең механизаторлар коллективында иң алдынгылары. Алар урып-җыю кампаниясендә дә, туфрак эшкәртүдә һәм чәчүдә дә югары нәтиҗәләр күрсәтте.
«Намуслы хезмәтегез өчен рәхмәт, алга таба да хезмәт уңышлары телим», – диде Камил Гыйльманов, алдынгыларга бүләкләр тапшырып.
Механизаторларны бүләкләргә лаек булулары белән район авыл хуҗалыгы идарәсе җитәкчесе Борис Соломонов «Волга-Селект» ҖЧҖ идарәчесе Иршат Хәнифов котлады.