Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Аксубай пенсионерлары көзге авыл хуҗалыгы ярминкәсендә булды
Бүген Аксубай мәдәният йорты каршындагы мәйданда Халыкара өлкәннәр көненә багышланган авыл хуҗалыгы ярминкәсе узды.
Бу – аксубайлылар өчен икенче көзге ярминкә. Авыл хуҗалыгы предприятиеләре, крестьян-фермер хуҗалыклары район үзәгендә яшәүчеләргә шәхси хуҗалыклар өчен кирәкле товарларның берсе – фураж өчен ашлык алып килделәр. Бу турыда «Авыл таңнары» сайтында хәбәр ителә.
Авыллар һәм Аксубай бистәсе мәктәпләре сатуда бәрәңге, кишер, чөгендер, суган, сарымсак, кәбестә, кабак тәкъдим итте. Район үзәгендә яшәүчеләр аларны рәхәтләнеп сатып алды, чөнки яшелчәләргә бәяләр кибет һәм базар бәяләреннән түбәнрәк, сыйфаты буенча да өстенрәк. Фермерлар, һәвәскәр бакчачылар да шулай ук үз продукцияләрен тәкъдим итте.
Сәүдә нокталарының бизәлеше аерым игътибарга лаек. Аксубай мәктәпләренең сәүдә нокталары көзге мотивларда күз явын алырлык итеп бизәлгән иде. Өченче мәктәп вәкилләре авыл хуҗалыгы ярминкәсенә килгән тармак ветераннарын кайнар чәй, коймак, пироглар белән сыйлады.
Мәдәният каршынгдагы мәйданда җирле артистлар башкаруында яңгыраган җырлар кәефне күтәрде.
Авыл хуҗалыгы ярминкәсендә район башлыгы Камил Гилманов белән Татарстан спорт министры урынбасары Илдар Садриев булды. Башкала вәкиле өлкән яшьтәге гражданнар өчен оештырылган ярминкә сәүдәсенә яхшы бәя бирде.
Кызыклы яңалыкларны күзәтеп бару өчен Телеграм-каналга язылыгыз