Аксубай музееда Гаилә елына багышланган күргәзмә эшли
Скопировать ссылку
Гаилә елы Аксубай районының туган як тарихы музеенда «Гаилә ядкарләре» күргәзмәсе белән ачылды. Бу хакта «Авыл таңнары» хәбәр итә.
Учреждение директоры Наталия Куштукова сүзләренчә, музейда булучылар даими тулыланып торучы, борынгы көнкүреш әйберләрен чагылдырган күргәзмә экспонатлары белән кызыксынып танышалар.
Аларны шулай ук гаилә ядкарьләре – кыйммәтле әйберләр экспозицияе дә нык кызыксындыра. Алар - сәгатьләр, орден-медальләр генә түгел, шулай ук документлар, көндәлекләр, хатлар, открыткалар, уенчыклар һ.б.