Аксубай мәдәният йорты хезмәткәрләре Мәдәният министрлыгыннан бүләкләргә лаек булды
Аксубай районының Трудолюбово авыл мәдәният йорты иң яхшы муниципаль мәдәният учреждениеләре республика бәйгесендә «Татарстан Республикасы авыл җирлекләре территориясендә булган мәдәни-ял тибындагы иң яхшы учреждение» номинациясендә җиңүче дип танылды. Бу хакта «Аксубай» газетасы яза.
Трудолюбово мәдәният йортына 125 мең сум күләмендә акчалата бүләк тапшырылды.
Республика бәйгесендә җиңү мәдәният йорты белгечләре Мария Большова һәм Гөлчәчәк Хәмидуллинаның уңышлы иҗат эше нәтиҗәсендә ирешелде. Шул исәптән мәдәният учагында «Борынгы славутница серләре» арт-терапия халык студиясе уңышлы эшләп килә.
Мәдәният йорты хезмәткәрләре «Уяв» республика чуаш мәдәнияте бәйрәме дипломантлары булып торалар, район һәм республика бәйрәмнәрендә һәм фестивальләрдә актив катнаша, диелә хәбәрдә.