Сәясәт 9 ноябрь 2016 19:50

АКШ Президентын сайлауларда Клинтон сайлаучыларның гомуми саны буенча Трампны узган

Трамп белән Обама иртәгә очрашу уздырырга мөмкин.

Скопировать ссылку

(Казан, 9 ноябрь, «Татар-информ»). Бүген АКШ Президентын сайлауларда Хиллари Клинтон сайлаучыларның гомуми саны буенча Дональд Трампны узган. Мәскәү вакыты белән 15.25 сәгатькә аларның беренчесе 59 млн 59 мең 121 тавыш җыйган, икенчесе - 58 млн 935 мең 325, диелә RT порталында The New York Times басмасына сылтама белән.

Моңа кадәр, Трамп сайлауларда үтәр өчен кирәк булган кадәр сайлап алучы тавышын – 279 – җыйды, шуңа алдан ук җиңүче булды, дип хәбәр ителгән иде.

Искәртеп үтик: Америка Кушма Штатларында Президентны турыдан-туры сайламыйлар, ягъни сайлаучылар теге яки бу кандидатны яклаган сайлап алучылар (выборщиклар) өчен тавыш бирә, тавыш һәр штатта аерым исәпләнә.

Трамп кампаниясе менеджеры Келлиан Конуэй белдергәнчә, Трамп белән Обама 10 ноябрьдә очрашу үткәрергә мөмкиннәр.

#Клинтон #Трамп

Сәхифәләр

АКШ Президентын сайлауларда Клинтон сайлаучыларның гомуми саны буенча Трампны узган